Presentouse onte, 27 de outubro, na sede de Afundación en Vigo a cuarta edición da biblia en galego editada por SEPT. Esta edición conta co patrocinio da Xunta de Galicia, e no acto interviron o bispo Luis Quinteiro, o presidente de SEPT, Francisco Domínguez, o secretario xeral de Política Lingüística, Valentín García, e Xosé Fernández Lago, deán da catedral de Santiago de Compostela e biblista supervisor desta edición.
A primeira edición da Biblia en galego de SEPT saíu á luz no ano 1989, logo houbo dúas edicións posteriores en 1992 e 2001, estando esgotada esta última desde hai máis de cinco anos. A edición que se presentou é o resultado dunha revisión lingüística, de acordo coas normas en vigor da Real Academia Galega.
